Maskinn kemur óblandaður í duftformi og virkjast með því að blanda vatni saman við hann. Mikilvægt er að nota ekki of mikið vatn en ef að maður setur of mikið vatn þá má bíða í nokkrar mínútur á meðan maskinn þykkist, best er að hafa maskann vel þykkan áður en hann er borinn á andlit. Þegar maskinn er borinn á andlit myndast kælandi gelgríma á 10-20 mín, en það eru góðar leiðbeiningar á íslensku og ensku á pakkningunni. Maskinn má fara yfir allt andlitið, þar á meðal augun og situr ekki fastur í hárum heldur flettist vel af.