Spurt og svarað

Almennt | Tilboð | Veitingar og verslun | Himnasendingar

Almennt

Hvað er Aha.is?

Aha.is er markaðstorg á netinu. Við bjóðum upp á frábær tilboð á vörum og þjónustu á hverjum degi en á síðunni er einnig að finna verslanir með breytt vöruúrval sem og hátt í 200 veitingastaði þar sem hægt er að panta mat og fá heimsendan eða sækja á staðinn. Markmið okkar, á öllum vígstöðvum, er að bjóða góð verð og frábæra þjónustu.

Er aha.is öruggt?

Aha.is hefur verið starfandi frá því í apríl 2011. Allar greiðslur af debet og kreditkortum fara fram í gegnum örugga vefgátt Teya. Kortanúmer eru geymd hjá Teya - þau sjáum við aldrei.

Tilboð

Mér líst vel á tilboð dagsins - hvernig tek ég þátt?

Þá smellirðu bara á "kaupa" áður en tilboðið rennur út. Ef lágmarks fjöldi fólks tekur tilboðinu skuldfærum við kort þitt og sendum þér staðfestingu til að prenta út. Einnig er hægt að greiða með millifærslu en þá þarf að gæta þess að millifæra í tæka tíð til að taka þátt.

Hvað gerist ef ekki næst lágmarksfjöldi kaupanda á tilboði?

Ef lágmarksfjöldi næst ekki fellur tilboðið sjálfkrafa niður og verður endurgreitt. Kredit/debetkort eru ekki skuldfærð fyrr en lágmarksfjöldi hefur náð tilboðinu. Ef þú hefur þegar millifært á aha.is og tilboð nær ekki lágmarksfjölda þarftu að senda okkur tölvupóst á aha@aha.is með upplýsingum um bankanúmer og kennitölu og við endurgreiðum um hæl.

Ég keypti tilboð dagsins - hvernig nota ég það?

Þegar búið er að greiða fyrir tilboðið og það hefur tekið gildi fá þátttakendur tölvupóst með staðfestingu sem inniheldur inneignarnúmer og upplýsingar um hvert skal sækja vöruna/þjónustuna. Miðann prentar þú út og tekur með þér sem greiðslu fyrir vöruna eða þjónustuna sem í boði er. Passaðu að oft þarf að panta tíma eða borð, t.d ef um er að ræða snyrtingu eða mat á veitingastað. Það er gert með því að hafa samband við viðkomandi söluaðila - símanúmer er tekið fram á inneignarmiðanum.

Ef valin er póstsending (eða ef póstsending er innifalin í tilboðinu) þarf ekkert að gera nema bíða eftir að pakkinn berist heim eða á næsta pósthús.

Hvenær þarf ég að nota tilboðið?

Gildistími tilboðs er alltaf tekinn fram í smáa letrinu. Hann er mjög mislangur svo þú skalt passa vel upp á að nýta tilboðið áður en það rennur út.

Get ég keypt tilboðið og gefið sem gjöf til einhvers annars?

Já. Nema "smáa letrið" taki sérstaklega fram eitthvað annað. Í mörgun tilfellum er hægt að hafa samband við söluaðila og biðja um að útbúið sé gjafabréf fyrir inneigninni - slíkt er alltaf skemmtileg tækifærisgjöf.

Einnig erum við líka alltaf með mörg skemmtileg tilboð þar sem þú færð sent fallegt gjafabréf á tölvupósti. Þú þarft bara að prenta það út og gefa þeim sem þú vilt. Á bréfunum er að finna logo söluaðila tilboðsins, upplýsingar um það sem gjöfin felur í sér sem og hvert viðtakandi þarf að snúa sér til að nýta gjafabréfið. Ekkert nafn eða verð kemur fram á gjafabréfinu.

Tilboðið er uppselt en tilboðstíminn er ekki útrunninn. Get ég enn keypt tilboðið?

Nei, því miður. Stundum erum við með takmarkað magn af vöru í boði. Oftast vitum við um slíkt fyrirfram og tökum það fram á síðunni. Tilboðið er svo merkt "uppselt" þegar hámarksfjölda er náð. Það getur hins vegar gerst að tilboð seljast betur en við áttum von á og söluaðili sér á ákveðnum tímapunkti fram á að geta ekki afgreitt fleiri vörur/þjónustur en þegar er búið að selja. Þá bregðum við á það ráð að setja inn hámarksfjölda eftir að tilboð er hafið eða jafnvel hætta sölu á tilboðinu þrátt fyrir að tilboðstími sé ekki útrunninn. Þetta gerum við bæði til að vernda hagsmuni söluaðila og kaupenda. Það getur því borgað sig að ganga strax frá kaupum í stað þess að bíða fram á síðustu stundu.

Ef ég nota ekki tilboðið að fullu í einni heimsókn, get ég notað afganginn seinna?

Nei, því miður. Nema annað sé tekið fram þá færð þú ekki til baka þann pening sem þú notar ekki. En þú getur gert eitt annað, komdu með vin eða vinkonu og deilið reikningnum.

Get ég sameinað tilboðið mitt með öðrum tilboðum?

Nei. Ekki nema sérstaklega sé talað um það.

Hvað ef fyrirtækið sem býður tilboðið verður gjaldþrota eða hættir starfsemi áður en ég næ að nýta tilboðið?

Ef sú staða kemur upp munu Aha.is endurgreiða ónotaða inneignarmiða sé gildistími þeirra ekki liðinn.

Sendið þið til útlanda?

Nei því miður sendum við aðeins innanlands sem stendur. Veitingar og matvöru er aðeins hægt að fá senda innan höfuðborgarsvæðisins.

Ég er með fyrirtæki og vil auglýsa á Aha.is?

Hafðu samband við okkur í síma 546 5000 eða sendu okkur póst á [email protected].

Veitingar og verslun

Hvað er snarverslun?

Með snarverslun getur þú fengið sendingu frá veitingastöðum í þínu nágrenni á 30 mínútum og verslunum á 30-60 mínútum.

Hvernig virkar það?

Þú velur það sem þig langar í á aha.is og pantar frá einum eða fleiri stöðum, kerfið okkar kemur pöntuninni beint til seljanda og úthlutar bílstjóra á sendinguna í rauntíma, sem kemur með pöntunina til þín um leið og hún er klár.

Er biðtíminn alltaf 30 mínútur.

Langflesta daga er meðalbiðtími um 30 mínútur, þó eru undantekningar eins og þegar vont veður er og mikil eftirspurn. Aha kerfið samræmir þó eldun við komutíma bílstjóra til þess að maturinn komi heitur til þín.

Ég fékk sendingu þar sem áætlaður biðtími stóðst ekki.

Það geta alltaf komið upp frávik, ekki hika við að hafa samband við þjónustuverið í þessum tilfellum.

Er þetta ekki óumhverfisvænt?

Aha flotinn samanstendur af 100% rafbílum síðan 2018.

Eru þetta bara verktakar sem fara með sendingar?

Nei, langflestar sendingar Aha eru sendar með starfsfólki sem fær greitt samkvæmt íslenskum kjarasamningum.

Hvað er smápöntunargjald?

Smápöntunargjald er auka gjald sem er lagt ofaná heimsendingargjaldið okkar frá veitingastöðum þegar pantað er undir vissu viðmiði.

Þegar pöntun er gerð með smápöntunargjaldi

Þá er greitt fyrir auka gjaldið þegar greitt er fyrir pöntunina.
Pöntun er afgreidd eftir áætluðum biðtíma hverju sinni eins og vanalega.
Enginn forgangur fylgir því að greiða smápöntungargjald.
Heimsendingargjald og smápöntunargjald gildir alltaf bara fyrir 1 stað í einu.

Hver eru viðmiðin?

Viðmiðin eru þrepaskipt og fara eftir stærð pöntunar og gilda þau bara um 1 veitingastað í senn. Ekki er hægt að panta frá fleiri en 1 veitingastað eða bætti í körfuna tilboði, matvöru eða frá verslun til að ná yfir viðmiðin og lækka þannig heimsendingargjaldið.

Hvernig sleppi ég samt við þetta smápöntunargjald?

Þú getur alltaf sótt pöntunina án auka kostnaðar eða bætt við í körfuna frá veitingastaðnum og farið yfir viðmiðin og greitt því lægra sendingargjald.

Hvað er álagsgjald?

Álagsgjald er auka gjald sem er lagt ofaná heimsendingargjaldið okkar þegar biðtíminn er í hærra lagi. Það er gert til að minnka álag og dreifa eftirspurn yfir álagstímann.

Þegar pöntun er gerð með álagsgjaldi

Þá er greitt fyrir auka gjaldið þegar greitt er fyrir pöntunina.
Pöntun er afgreidd eftir áætluðum biðtíma hverju sinni eins og vanalega.
Enginn forgangur fylgir því að greiða álags gjald.
Álags gjald færst ekki endurgreitt þó að biðin sé löng eftir pöntun.
Einnig færst álagsgjald ekki endurgreitt ef pöntun er afgreidd fyrr en áætlaður biðtími gaf upp.

Hvernig sleppi ég samt við þetta álagsgjald?

Þú getur alltaf sótt pöntunina án auka kostnaðar við pöntun, einnig er hægt að bíða þar til biðtíminn hefur lækkað eða fyrirfram panta áður en álagstími er.

Hvernig nálgast ég pöntunina?

Þú getur sótt vörurnar á flesta veitingastaði og verslanir. Ef ekki birtist valmöguleiki um að sækja vöru við pöntun er einungis hægt að fá vöru heimsenda frá við komandi fyrirtæki.

Við bjóðum upp á heimsendingu á höfuðborgarsvæðinu gegn vægu sendingargjaldi. Vörur sem pantaðar eru út á land eru sendar með Íslandspósti.

Hvenær fæ ég pöntunina?

Hægt er að fá pöntunina svo fljótt sem auðið er eða fyrirframpanta og velja hentugan afhendingartíma. Á veitingasíðunni er hægt að fylgjast með áætluðum eldunar- og heimsendingartíma. Ath. þó að hér er einungis um viðmiðunartíma að ræða sem ætti að gefa vísbendingu um bið en margt getur þó spilað inn í biðtímann með litlum fyrirvara. Við sendum þér SMS um leið og pöntunin er tilbúin til afhendingar eða fer af stað. Til að sjá hvenær hægt er að fá matvöru afhenta er gott að byrja á því að setja eina vöru í körfuna og athuga því næst hvaða afhendingarvalmöguleikar eru í boði, þeir geta verið misjafnir eftir verslun.

Ef álagið er það mikið að sendlar okkar ráða ekki við meira í bili lokast fyrir heimsendingar tímabundið, fyrst í úthverfi. Þó er alltaf hægt panta og sækja.

Hvað ef varan er ekki til?

Það getur alltaf komið fyrir að vara sé ekki til. Ef þetta kemur upp færðu nánari leiðbeiningar frá okkur eftir því sem við á.

Þarf ég alltaf að vera að tína sömu hlutina í körfuna?

Þegar þú hefur gert pöntun í fyrsta skipti getur þú valið Sama og síðast hnappinn næst þegar þú pantar hjá sama fyrirtæki. Þú getur síðan breytt þeirri körfu, tekið úr og bætt í áður en þú gengur frá næstu pöntun.

Get ég fengið sent í vinnuna, til afa eða ömmu?

Já - þú getur sett upp mörg heimilisföng í kerfinu, bæði til að senda í vinnuna eða til að senda til aðstandenda sem eiga erfitt með að fara í búð. Í slíkum tilfellum hvetjum við þig til að nota tímann sem þú sparaðir til að fara í heimsókn til viðkomandi.

Get ég fengið sent með dróna?

Já - þegar veður leyfir þá sendum við heim úr Skeifunni og allt að 4km í allar áttir. Í þeim tilfellum sem það er í boði kemur það fram í pöntunarferlinu. Við erum með sérstaka spurning og leiðbeingasíðu um himnasendingar - Smelltu hér til að læra meira um þjónustuna.

Ég vil skila vöru sem ég keypti í verslun?

Almennt gilda sömu skilmálar um skil á vörum eins og gilda í viðkomandi verslun. Best að vera beint í sambandi við verslunina sem þú keyptir vöruna hjá en einnig er hægt að koma með vöruna til okkar á Grensásveg 11 innan tveggja mánaðar og við látum þig hafa inneign á síðuna í staðinn. Varan þarf að vera ónotuð og í upprunalegum umbúðum og gefa þarf upp pöntunarnúmer. Ef vara reynist gölluð endurgreiðum við hana að sjálfsögðu. Sjá nánar hér um ábyrgðir og skilarétt.

Ekki er hægt að skila matvöru og veitingum.

Ef ég gef vöru sem keypt er á vörusíðunni sem gjöf - getur viðtakandi skilað vörunni?

Skilafrestur er tveir mánuðir. Viðtakandi getur bæði skilað vörunni beint í verslun gegn inneign en einnig er hægt að koma með vöruna til okkar á Grensásveg 11 og fá inneign á Aha.is í staðinn. Varan þarf að vera óopnuð og í upprunalegum umbúðum.