Alvöru íslensk sveitarómantík. Gisting fyrir tvo í tveggja manna herbergi með morgunverði ásamt hinu rómaða kvöldverðarhlaðborði sveitasetursins.

Sveitasetrið Brú
Sveitasetrið Brú tók til starfa sumarið 2023 og er huggulegt sveitaheimili með litríku fólki og fjörugum dýrum. Á Brú má finna góðan mat og drykk, gistingu, aukinheldur sem Hlaðan á Brú er upplagður staður til að halda brúðkaup, árshátíð, ráðstefnu eða aðra skemmtilega viðburði.

Á hverju kvöldi galdrar hið hæfileikaríka eldhústeymi Brúar fram fjölbreyttar heimagerðar krásir. Kvöldverðarhlaðborðið geymir ljúffenga grænmetisrétti, salöt, fisk, kjöt og/eða fugl og auðvitað girnilegan eftirrétt

Á Brú er einnig að finna Hlöðuna, stóran og fallegan sveitasal sem hægt er að leigja fyrir alls kyns viðburði og getur tekið upp undir 200 manns í borðhald og 300 í dans. Við bjóðum upp á nokkrar mismunandi leiðir í veitingum og getum opnað Hlöðubarinn sé þess óskað. Í Hlöðunni má stíga trylltan dans og þar er bæði svið, hljóðkerfi og stór sjónvarpsskjár.