Í kjallaraherbergi úti í bæ kúrir miðaldra maður og bíður þess að félaginn berji að dyrum. Þar leita þeir nautnar sem er ósýnileg heiminum, rammflæktir í íslenskum hnút, innst í völundarhúsi ástarinnar.

Í meistaralegri sögu sinni leiðir Guðbergur Bergsson lesandann um þetta völundarhús og býður honum að líta í huga mannsins sem ráfar þar og leitar aleinn að ljósinu sem hvergi er til.

Sú kvalda ást sem hugarfylgsnin geyma kom fyrst út árið 1993 og var tilnefnd til Íslensku bókmenntaverðlaunanna sama ár. Bókin hlaut afar góða dóma á Íslandi og víða um heim.