Morgunbjart víðerni

reisir varðturn sviðans

hvítgeislandi nepja

nálgast með slægð.

Þess eins ég

bíð að birtan dvíni.

Nótt breiddu sæng

yfir sársauka heimsins.

Valdimar Tómasson er íslenskum bókmenntaunnendum að góðu kunnur fyrir meitluð og harmþrungin ljóð sín. Söngvar til sársaukans er sjöunda ljóðabók hans en hér yrkir hann um friðlausa auðn, þungbærar tilfinningar og vonarglætuna sem smýgur í gegnum svartnættið.