? Sjáandi – Ester Hilmarsdóttir

Sjáandi eftir Ester Hilmarsdóttur er áhrifarík íslensk skáldsaga þar sem dulúð, ástir og samfélagsbreytingar fléttast saman í ljóðrænni sögu.

? Um bókina

Þegar dularfull spákona úr austri birtist í friðsælum dal í íslenskri sveit fara ævintýralegir hlutir að gerast og allt sem áður var fer úr skorðum. Saman við komu spákonunnar fléttast barátta kotbænda við auðvaldið úr nærliggjandi kaupstað, hrifnæmni fjósastráks, forboðnar ástir heimasætu og förukona sem enginn veit hvort er að koma eða fara.

Bókin segir frá uppvexti, ást sem er alheimsfasti, vaxtarverkjum nýrra tíma, samstöðu og baráttu fyrir afkomu og verndun náttúrunnar. Harmur og húmor liðast um söguna líkt og áin sem rennur um dalinn – stundum gjöful en stundum brigðul, þar sem auðvelt er að festast í slýinu og missa fótanna.

✍️ Um höfund

Ester Hilmarsdóttir hlaut tilnefningu til Fjöruverðlaunanna fyrir ljóðabók sína Fegurðin í flæðinu en Sjáandi er fyrsta skáldsaga hennar.

✨ Umsagnir

„Það er eitthvað við efni og efnistök sem leiðir hugann til Dalalífs Guðrúnar frá Lundi sem er nú aldeilis ekki leitt að vera líkt við.“ - Steinunn Inga Óttarsdóttir / Skald.is

⭐️⭐️⭐️⭐️⭐️ „Ég bæði hló og grét yfir þessari bók! Persónugalleríið er stórkostlegt, fullt af bæði yndislegum persónum og svo hinum sem maður elskar að hata en eru samt svo mannlegar í brestum sínum.“ - Sesselía / goodreads