Heimilisfang
Velja afhendingarmáta
Höfundur: Málfríður Einarsdóttir

Þessi bók er ekki ævisaga, og varla heldur endurminningar í venjulegum skilningi, en höfundurinn framkallar í huga lesandans þennan samastað sem hún átti sér í tilverunni, hvort sem hann var í Bæjarsveit í Borgarfirði, Reykjavík, Kaupmannahöfn eða annars staðar. Umhverfi, þjóðlífi og fólki er hér lýst af lifandi nærfærni og þeim stílþrótti sem fáum er gefinn.

Málfríður Einarsdóttir var sískrifandi alla ævi þó að fyrsta bók hennar liti ekki dagsins ljós fyrr en árið 1977 þegar hún var komin hátt á áttræðisaldur. Það var Samastaður í tilverunni sem síðan hefur orðið eftirlætisbók ófárra og er hér loksins fáanleg að nýju, nú í kiljuseríu Forlagsins, „Íslensk klassík“. Alls urðu bækur Málfríðar sex talsins, flestar af sjálfsævisögulegum toga, og þykja með því skemmtilegra sem skrifað hefur verið á íslensku.

Guðbergur Bergsson ritar skemmtilegan formála að bókinni.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafraHér má lesa meira um hljóðbækur fyrir appið.

Hljóðbókin er 14 klukkustundir og 34 mínútur að lengd. Þórey Sigþórsdóttir les.

„Ætíð hef ég átt samastað,
að minnsta kosti hefur aldrei farið svo,
að ég hafi þurft að vera hvergi …“
(Málfríður Einarsdóttir)

2.650 kr.
Afhending