Hér er að finna sjö smásögur víðs vegar að úr hinum enskumælandi heimi en höfundarnir eru frá Bretlandi, Ástralíu, Sri Lanka og Súdan, þekktir jafnt sem minna þekktir, konur og karlar. Sögurnar, sem voru valdar af framhaldsskólanemum, eru ólíkar en eiga það sameiginlegt að hreyfa við lesendum og hvetja þá til umræðna.
Í bókinni er einnig að finna verkfæri af ýmsu tagi fyrir nemendurna til að auðvelda þeim vinnuna við textana: kafla um greiningu á smásögunum, glósur við sögurnar, verkefni og kynningu á höfundunum. Bókin hentar einkum nemendum sem lokið hafa fyrstu áföngunum í framhaldsskóla.