Flokkar:

Eyrún Ísfold Gísladóttir og Þóra Másdóttir

Kötturinn Púki er mikill prakkari og finnst gaman að stríða Lubba, vini sínum. Dag einn ákveður Púki að fela beinið hans Lubba úti í fjósi. En hann flýtir sér svo mikið að hann lendir óvart í einhverju blautu og mjúku sem lyktar mjög illa!

Í bókinni Lubbi og Púki prakkari er leitast við að hafa hljóðin sýnileg og táknrænar hreyfingar þeirra prýða síðurnar. Vonast er til að táknrænu hreyfingarnar styðji við umskráningu og lestrartileinkun en þeim er ætlað að vera brú á milli málhljóða og bókstafa.

Bókin er unnin í tengslum við Verkefnabækur Lubba eftir talmeinafræðingana Eyrúnu Ísfold Gísladóttur og Þóru Másdóttur. Í hverri verkefnabók eru 11–12 málhljóð kynnt til sögunnar og verkefni unnin í tengslum við þau.