Þetta portvín er eins og hlýtt faðmlag við arineld. Þetta er vínið sem þú grípur í eftir góðan kvöldverð eða sem fordrykk þegar klukkan slær sex á aðfangadag. Með sínum gyllta lit og keim af karamellu og möndlum er það eins og fljótandi huggun. Það er aðgengilegt, milt og fullkomið til að njóta með hnetum og þurrkuðum ávöxtum á meðan jólasnjórinn fellur úti.

Tawny portvín sem hefur verið blandað úr mismunandi árgöngum og þroskað í eikartunnum í að lágmarki 3 ár.

C.N. Kopke var stofnað árið 1638 og er elsta starfandi portvínshús heims.