Perumal Murugan

Kona að hálfu gerði indverska höfundinn Perumal Murugan frægan um allan heim, á sama tíma varð bókin þess valdandi að hann hætti að skrifa, lýsti sig látinn á samfélagsmiðlum og flutti af heimaslóðum sínum.

Um bókina

Ponna og Kali reyna hvað þau geta til að eignast barn en allt kemur fyrir ekki. Síðasta hálmstráið er lokakvöld árlegrar musterishátíðar, þegar allir karlar eru guðir, en það gæti reynst þeim dýrkeypt.

Ljúfsár saga eftir höfund bókarinnar Saga af svartri geit.

Um höfundinn

Perumal Murugan (f. 1966) er þekktasti rithöfundur Tamli Nadu-héraðs á Indlandi og jafnframt eini tamílski höfundurinn sem hlotið hefur tilnefningu til alþjóðlegu Booker-verðlaunanna. Lýsingar hans á helgisiðum héraðsins í Kona að hálfu vöktu mikla reiði trúarhópa á svæðinu og mátti Murugan sæta ofsóknum og ákærum, sem hæstiréttur í Madras ógilti síðar. Kona að hálfu hefur verið þýdd á átján tungumál. Áður hefur komið út á íslensku bókin Saga af svartri geit eftir sama höfund.

Elísa Björg Þorsteinsdóttir þýddi.