Húsið á bjargbrúninni er þriðja bókin um dr. Ruth Galloway eftir metsöluhöfundinn margverðlaunaða, Elly Griffiths. Bækur hennar njóta gríðarlegra vinsælda í Bretlandi og Skandinavíu, enda ómótstæðileg blanda af ráðgátum og spennu, fornleifafræði, húmor og heillandi persónum.
Sex beinagrindur finnast í grunnri gröf á ströndinni við gamalt setur í Norfolk. Þær hafa greinilega legið þar um langa hríð og ráðgátan virðist teygja anga sína aftur til stríðsáranna. Eigandi setursins vill ólmur aðstoða bæði lögregluna og beinasérfræðinginn Ruth Galloway við að upplýsa málið. En lumar fjölskyldan í fína húsinu á ljótu fortíðarleyndarmáli?
Ruth er raunar mátulega hrifin af að þurfa enn og aftur að vinna með Harry Nelson hjá rannsóknarlögreglunni. Ekki aðeins að þau eigi saman eldfimt leyndarmál, heldur er bannsettur maðurinn alltaf jafn aðlaðandi …
Aðrar vörur frá þessari verslun
Aðrar vörur frá þessari verslun
