Þessi bók er stútfull af hugmyndum að ljúffengu og hollu nesti, morgunmat og millibitum. Ráðleggingar um hvernig við bætum matarvenjur okkar, viðhöldum góðri orku og einbeitingu og höldum blóðsykrinum í jafnvægi.

Matgæðingurinn Rósa Guðbjartsdóttir er hér með margar góðar uppskriftir og frábærar hugmyndir að nesti í skólann, vinnuna, ferðalagið eða útivistina. Einnig að staðgóðum og girnilegum morgunmat , sem og næringarríku snarli til að gæða sér á milli mála. Kynnt er hvernig nota á vinsælar nýjungar í heilsumatargerð, eins og kókosolíu, kínóa, chia-fræ og acai-ber.

Í bókinni er lögð áhersla á ferskt og heilnæmt hráefni og er hvorki hvítur sykur né hvítt hveiti notað í uppskriftunum.