Gyrðir Elíasson

Enn ein varðan á leið höfundarins um lendur smásagna, en nú ber svo við að efni þeirra kallast á með sérstæðum hætti þótt ekki sé beinlínis hægt að segja að þær myndi sagnasveig. Í sautján sögum fær lesandinn innsýn í líf ólíkra persóna sem þó eiga ýmislegt sameiginlegt þegar betur er að gáð, hvort sem um er að ræða fiðluleikara eða fiskifræðing, laghentan pípulagningamann eða pabba sem ræður ríkjum í bílskúrnum. Tengsl á milli manna, vonbrigði, stefnuleysi og orðleysi, þegar á reynir, eru stef sem birtast iðulega en með ólíkum blæbrigðum og áherslum.