Fjallað er á einkar aðgengilegan hátt um þessa merku tíma bókmenntasögunnar, fjöldi verka er tekinn til umfjöllunar og ljósi brugðið á helstu höfunda tímabilsins. Áhersla er lögð á að tengja bókmenntasöguna þjóðfélagsþróun og hugmyndasögu þannig að lesendur fái tækifæri til að sjá bókmenntirnar í víðara samhengi.

Fjöldi mynda er af höfundum, bókarkápum og listaverkum og myndir úr þjóðlífinu. Helstu bókmenntastefnur eru skýrðar og settar í alþjóðlegt samhengi í stuttu máli í sjálfstæðum köflum. Í skáldatali er gerð sérstök grein fyrir helstu höfundum og skáldum tímabilsins. Enn fremur eru í bókinni ítarlegar nafna- og atriðisorðaskrár.