? Eftirför - íslensk spennusaga eftir Önnu Rún Frímannsdóttur

Eftirför er önnur skáldsaga Önnu Rúnar Frímannsdóttur en sú fyrri, Dauðaþögn, hlaut frábærar viðtökur lesenda.

? Um bókina

Þegar fjölskyldufaðirinn Hallur hverfur sporlaust stendur lögreglan ráðþrota gagnvart kaldri slóð. Það er ekkert sem gefur til kynna að hann hafi verið flæktur í neitt misjafnt og langþráð vetrarfrí fjölskyldunnar breytist skyndilega í martröð. Það er engu líkara en að jörðin hafi gleypt hann. Gæti hvarfið tengst dularfullu skilaboðunum sem Selmu, eiginkonu hans, hafa borist að undanförnu?

Lögfræðingurinn Hrefna er komin í starf hjá lögreglunni og þetta mannshvarf ætlar ekki að reynast auðleyst. Angar þess teygja sig víða og lögreglan þarf að hafa sig alla við í kappi við tímann þar sem hver klukkustund telur.

Tilnefnd til Íslensku glæpasagnaverðlaunanna, Blóðdropans, 2025!

„Þögnin var nánast áþreifanleg. Það eina sem heyrðist í þröngu og skítugu rýminu var hans eigin andardráttur sem hljómaði skyndilega framandi, eins og hann tilheyrði einhverjum öðrum. Svona var þá tilfinningin að vera bjargarlaus.“

✨ Umsagnir

„Einstaklega vel heppnuð frumraun í heimi glæpasagnanna, snjall og spennandi krimmi sem tekur óvænta stefnu.“ Ragna Gestsdóttir / DV / um Dauðaþögn

„Ein besta glæpasaga sem ég hef lesið. Anna Rún virðist ætla að tylla sér í hásæti glæpasagnakvenna. Það er mín tilfinning.“Gísli Helgason, um Dauðaþögn

Umsögn dómnefndar Íslensku glæpasagnaverðlaunanna:

Trúverðug og raunsönn lýsing á einelti unglinga og átakanlegum afleiðingum þess með góðri persónusköpun og lifandi frásagnarmáta. Spennandi og vel uppbyggð saga sem heldur lesandanum vel við efnið.

ISBN: 978-9935-516-87-9