– Barn á alltaf að sofa á bakinu. – Fjarlægja sængur, kodda og alla lausa hluti úr svefnrými. – Passa að barnið ofhitni ekki og forðist að ofdúða. Mælt er með að ungbörn sofi við 18 – 21 gráður innandyra. – Passið að svefnrýmið sé öruggt og að barn geti hvorki dottið úr rúmi, né fest sig á milli, t.d. dýnu og veggs. – Stíf dýna og lak sem fellur þétt að dýnu er mikilvægt fyrir öryggi. – Ungbarn skal ekki sofa með dýrum eða öðrum börnum. Ef foreldrar kjósa að sofa með börrn í rúmi hjá sér skal fara í gegnum listann hér að ofan en einnig eru nokkrir hlutir sem þarf að varast að auki: – Gerðu ráð fyrir eigin líkamshita þegar þú klæðir barnið. – Barnið má ekki vera vafið og verður að hafa hendurnar lausar. – Aldrei sofa með barn í rúmi ef þú reykir, hefur drukkið áfengi eða notað hugbreytandi lyf, eða ert í alvarlegri ofþyngd.