Í fyrsta bindi Byggðasögu Skagafjarðar eru teknir fyrir tveir hreppar, Skefilsstaðahreppur og Skarðshreppur sem saman telja nærri 80 jarðir. Nokkur umfjöllun er um hvort sveitarfélag.

Í texta og myndmáli er fjallað um hverja einstaka jörð sem í ábúð hefur verið einhvern tíma síðast liðin 220 ár. Gefin er lýsing á jörðinni, getið bygginga og birt tafla yfir fólk og áhöfn jarðanna á ýmsum tímum, yfirlit um eignarhald á síðari tímum og talsverð söguleg umfjöllun. Auk þess er gerð grein fyrir öllum fornbýlum og seljum sem tengjast jörðununum og þau staðsett með GPS-staðsetningartæki.