Í Þriðja kveri um kerskni og heimsósóma má finna gamanmál, þar sem mestmegnis er skopast að dægurþrasi líðandi stundar, en inni í millum leynist alvarlegra efni. Bragfræðin er fjölbreytt: Drápur, ferskeytlur, limrur, slitrur, frumgerð bragform og eftirhermuhættir. Í ofanálag bætast nú við enn á ný nokkrar Barnasögur fyrir fullorðna, þar sem sagnaarfur barnabókmenntanna er skoðaður í spéspegli hins flókna nútíma.