„Þetta er raunveruleikinn, hugsaði hann. Svo lengi sem hann varir. Kannski tekur annar við bráðum. Það eru til svo margir raunveruleikar. Mismunandi raunveruleikar. 

Aleks er fjórtán ára og dvelur ásamt fjölskyldu sinni í flóttamannabúðum í smábæ í Svíþjóð. Borgarastyrjöld geisar í heimalandi þeirra og þau eiga að baki langt og hættulegt ferðalag.

Smám saman kynnist Aleks nýju fólki í nýju landi. Baráttan innra með honum gerir honum þó erfiðara fyrir að fóta sig þar. Hann þarf að takast á við erfiða reynslu, fordóma og eigin hræðslu en eygir um leið von um bjartari framtíð.

Annað land veitir lesendum innsýn í hugarheim ungs drengs sem hefur mátt þola margt á stuttri ævi en líkt og mörg ungmenni í dag hefur hann þurft að flýja áður friðsælar æskustöðvar sínar og fóta sig í nýjum heimi. Bókin er vel til þess fallin að opna umræðuna um málefni flóttafólks og þær áskoranir sem það glímir við.

Ingibjörg Hjartardóttir þýddi.

Útgáfuár: 2016

Gerð: Kilja

Síðufjöldi: 156