Condado de Haza er litli bróðir Pesquera en víngarðarnir, sérvaldir af Alejandro, munu sennilega flokkast sem Grand Cru, komi til flokkunar Ribera del Duero. Eina höllin [fr. château] í Ribera del Duero er Condado de Haza. Tilkomumikil bygging með stórum vínkjallara neðan jarðar.

14 mánuðir í amerískri eik og 6 mánuðir í flösku eins og Pesquera kríanzan. Dökkfjólublátt. Svört ber, bróm- og sólber áberandi í nefi. Blómatónar (fjólur?), lakkrís, ristaðar kaffibaunir og vanilla úr eikinni. Frísklegt, ávaxtaríkt í bragði, svört kirsuber, súkkulaði og heslihnetur. Eikarsæta í endingunni.

Condado de Haza hefur tvisvar lent á lista Wine Spectator yfir 100 beztu vín í heimi.