Ráðuneyti æðstu hamingju er margbrotin, ágeng, gáskafull og átakanleg saga frá Indlandi, eftir Arundhati Roy, höfund verðlauna- og metsölubókarinnar Guð hins smáa.

Frásögnin spannar mörg ár og söguþráðurinn vindur sig frá öngstrætum Gömlu-Delhi og breiðstrætum nýrra borgarhverfa til fjallanna og dalanna í Kasmír, þar sem stríð er friður og friður stríð. Sagt er frá fólki á jaðri samfélagsins og fólki í felum, hundeltu fólki og útskúfuðu – þetta er í senn óður til lífsins, brothætt ástarsaga og mergjaður reiðilestur.

Allt getur gerst – og gerist. Fólk skiptir um kyn og ham, það hverfur og birtist, það deyr og lifir samt. Ráðuneyti æðstu hamingju er óviðjafnanleg skáldsaga þar sem mannlífið sjálft er undir smásjá; skuggahliðar þess, hverfulleiki og ærandi fegurð.

Árni Óskarsson þýddi.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.
ATH. Spurt og svarað um rafbækur.

Hljóðbókin er 17 klukkustundir og 54 mínútur að lengd. Árni Óskarsson les.