Hvert snýr kona sér þegar eiginmaðurinn er sakaður um að hafa myrt pabba hennar og bestu vinkonu? Hvað gera ættingjar stúlku sem hverfur sporlaust og lögreglan segir að muni aldrei koma í leitirnar? Hvernig á að skýra fingur sem finnst í sprungu í Snæfellsjökli?

Auðvitað er leitað til Stellu Blómkvist. Hún er:

• lögfræðingur sem braskar með hlutabréf í frístundum
• leðurklædd einstæð móðir á silfruðum Benz
• með óseðjandi kynhvöt
• minnug visku móður sinnar
• lítill aðdáandi lögreglunnar
• sú sem þeir sem engu hafa að tapa snúa sér til

Morðin í Skálholti er áttunda bókin um Stellu Blómkvist sem er harðsnúin, sjálfstæð og herská sem aldrei fyrr.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 8 klukkustundir og 18 mínútur að lengd. Aníta Briem les.