Þegar þú stendur frammi fyrir sannleikanum eða ímyndinni, hvort velurðu?

Kolbrún er farsæll framkvæmdastjóri, hamingjusamlega gift og fjölskyldumyndin gæti auðveldlega fylgt rammanum úti í búð. Þegar hún býður sig fram til forseta fer af stað atburðarás sem hún hefði aldrei getað séð fyrir og kastljósið þvingar hana til að líta inn á við og takast á við stórar spurningar.  

Dóra er nýbyrjuð í menntaskóla og er að fóta sig í nýjum heimi. Eins og það sé ekki nógu flókið fyrir þá þróar Dóra með sér tilfinningar til bekkjarsystur sinnar og af stað fer örlagarík atburðarás. 

Ljósbrot er áhrifarík saga um ástina og leitina að sjálfinu. Bókin er fyrsta skáldsaga Ingileifar Friðriksdóttur. 

Skemmtileg frumraun sem minnir mest á bækur Taylor Jenkins Reid.

• Lilja Sigurðardóttir

Viðtal við Ingileif á Heimildinni

Hér má lesa umfjöllun Lestrarklefans um bókina en í henni segir meðal annars: „[removed]Ég hafði gaman af lestrinum, bókin er stutt, læsileg og hélt mér vel við efnið. Ég fann alltaf þörf til að grípa í hana fljótt aftur þegar ég lagði hana frá mér og las hana því á einungis tveimur dögum.“