Úkk og Glúkk eru svölustu hellisbúastrákar steinaldarinnar. Árið 500.001 f.Kr. una þeir glaðir við sitt í þorpinu sínu, Hellisgerði, þegar sóðalegt risafyrirtæki úr framtíðinni ræðst inn í líf þeirra. Strákarnir og risaeðlukrílið Lilja snúa vörn í sókn og ferðast um tímagöng allt til ársins 2222 e.Kr. Þau eignast nýja vini, læra kúng-fú og berjast við hroðaleg illmenni framtíðarinnar. En stóra spurningin er: Tekst þeim að bjarga fortíðinni? Og um leið okkur í nútíðinni?

Georg og Haraldur eru höfundar myndasögunnar um Úkk og Glúkk, þeir sömu og sömdu sögurnar um Kaftein Ofurbrók í samnefndum bókum eftir Dav Pilkey.

Aukaefni: Lærið hellisbúamál! Auðvelt! Gaman! Pirrar fullorðna!