Heimsstyrjöldin síðari var háð á árunum 1939-1945 og verðskuldar heitið heimsstyrjöld fremur en nokkur önnur vopnuð átök sem heimildir greina frá. Hún stóð í sex ár, 2.174 daga ef talið er frá innrás Þjóðverja i Pólland árið 1939 til þess er Japanir gáfust upp 1945.

Áhrifa hennar gætti með einum eða öðrum hætti í öllum heimshlutum, hún kostaði um sextíu milljónir mannslífa og olli meira fjár- og eignartjóni en dæmi eru um í öðrum styrjöldum. Er ekkert ofsagt þó henni sé lýst sem mesta hildarleik í gjörvallri mannkynssögunni.

Í þessari bók eru sögu styrjaldarinnar lýst í stuttu máli, sagt frá gangi hennar í loft, á láði og legi. Hér er frægustu orrustum styrjaldarinnar lýst, sagt frá helstu þátttakendum og áhrifavöldum og reynt að skyggnast inn í hugskot þeirra sem mest áhrif höfðu á gang mála.