Gréta býr í fallegum skógi en risar ógna heimkynnum hennar og dýranna. Þegar risarnir komu fyrst í skóginn hjuggu þeir niður tré til að byggja heimili. Svo hjuggu þeir niður fleiri tré til að byggja stærri heimili. Húsin urðu að bæjum og bæirnir urðu að borgum og nú er varla neinn skógur eftir. Gréta veit að hún þarf að hjálpa dýrunum sem búa í skóginum, en hvernig? Þá fær Gréta góða hugmynd.

Sagan er innblásin af Gretu Thunberg og aðgerðum hennar til að bjarga heiminum. Bókin er prentuð á endurunninn pappír og Salka styrkti samtökin 350.org samhliða útgáfu bókarinnar.