Drífa lifir í klóm tilbreytingarlauss lífs  og þvælist milli skylduverka og skemmtana án tilgangs og stefnu að því er virðist.

En öll yfirborðssýn breytist þegar við erum skyndilega stödd í háskalegri  hversdagsveröld þar sem ekkert er sem sýnist, þar sem óttinn magnast í hverju skrefi og okkur grunar ekki hvar leiðin endar; ef hún endar þá nokkurn tíma.

Sagan Í frostinu er saga margra í nútíma samfélagi; hún er ógnvænlega kunnugleg, vekur  til umhugsunar, skemmtir  og særir í einni svipan.

Í frostinu er fyrsta skáldsaga Jóns Atla Jónassonar en hann er eitt athyglisverðasta  leikskáld þjóðarinnar um þessar mundir og hafa verk hans verið sviðsett víða  um heim. Jón Atli hlaut Grímuna, íslensku leiklistarverðlaunin árið  2004 og hefur skrifað smásögur og kvikmyndahandrit.