Halla er ellefu ára stelpa sem flytur með foreldrum sínum til Spánar í eitt ár. Fjölskyldan sest að í Granada sem er ekki bara óvenjuleg og framandi borg, hún geymir líka gömul leyndarmál. Halla á erfitt með að ná tengslum við umhverfið. Vinir hennar eru víðs fjarri, hún skilur ekki neinn og henni finnst hún hreinlega vera að missa vitið. En þegar fjársjóð máranna ber á góma hefst leit að horfnum heimi, allt á eftir að taka breytingum, jafnvel göturnar og húsin, og sem betur fer reynist vitið enn á sínum stað.