Eitt árið bólar ekkert á vorinu í Norðurheimi. Klaufabárðurinn Húgó og hörkutólið Alex leggja í langferð til að grafast fyrir um hvernig stendur á þessu. Hættan bíður þeirra við hvert fótmál og veitir ekki af bæði hugrekki og hugmyndaflugi í baráttu við ísdreka, sæpúka, afturgengna úlfa og verulega geðvonda einhyrninga.

Leitin að vorinu er æsispennandi og bráðfyndin saga ætluð átta til tólf ára lesendum. Þetta er fyrsta bókin af þremur um vinina ólíku og hættuför þeirra til að bjarga heimabyggð sinni.

Sigrún Elíasdóttir býr í Borgarfirði og kann jafn vel við sig í félagsskap fólks og dýra. Þetta er fyrsta skáldsagan sem hún skrifar fyrir börn. Skrímsli eru í uppáhaldi hjá Sigmundi Breiðfjörð teiknara, sem myndskreytti söguna.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.
ATH. Spurt og svarað um rafbækur.

Hljóðbókin er 3 klukkustundir og 34 mínútur að lengd. Andrea Ösp Karlsdóttir les.