Catherine Swift er drottning ástarsagnanna og hefur trónað á toppi metsölistanna í áratugi. Hennar eigið ástarlíf hefur ekki verið eins farsælt og hefur það valdið álagi á samband hennar við dæturnar tvær. En nú skal bæta úr því.

Adeline veit ekki hvort er verra – að móðir hennar sé að gifta sig í fjórða skipti, eða að hún neyðist til að verða vitni að enn einu stórslysinu. Það að brúðkaupið fari fram í lúxusvillu mömmu hennar á Korfú ýfir upp gömul sár og minningar um skilnað foreldra hennar.

Cassie er aftur á móti himinlifandi yfir fréttunum og dáist að þrautseigju móður sinnar. Hún er líka ofurspennt að hitta dularfulla tilvonandi eiginmanninn og yfir því að verja sumrinu á Korfú. Þar þarf hún að taka ákvörðun um málefni sem hún hefur haldið leyndu fyrir öllum.

Þegar systurnar koma á eyjuna hafa þær afar ólíkar væntingar um það sem í vændum er. En raunveruleikinn fer langt fram úr væntingum beggja og snýr lífi þeirra allra á hvolf.