Sophie er barnfóstra í París, þjökuð af skelfilegum minningaleiftrum úr fortíðinni og öllu því sem henni tekst ekki að muna eða vill ekki muna.

Einn morguninn er litli drengurinn sem hún var að gæta dáinn. Hvernig gerðist það? Hún man það ekki en veit að sönnunargögnin eru henni í óhag og eina leiðin er að fara í felur, skapa sér nýtt líf – ef líf skyldi kalla – á jaðri samfélagsins. Lögreglan finnur hana ekki en þó fylgist einhver með hverju skrefi hennar. En svo hugkvæmist henni lausn sem gerir henni kleift að finna sér varanlegt skjól. Eða hvað?

Pierre Lemaitre er einn vinsælasti spennusagnahöfundur Frakka og margverðlaunaður fyrir Verhoeven-þríleik sinn sem kom út á íslensku á árunum 2014–2017.

Friðrik Rafnsson þýddi.