Í bókinni segir Weitemeyer ævintýralega sögu sína, en forvitnilegast finnst Íslendingum eflaust að í bókinni segir hann meðal annars frá afdrifum Þorvaldar jarðyrkjumanns frá Bryggjum sem varð ferðafélagi Weitemeyers í leit að betra lífi meðal andfætlinga. Þorri bókarinnar er þó ævintýralegar frásagnir Weitemeyers af lífi landnema í Drottningarlandi í Ástralíu þar sem hann kemst í hann krappan í baráttu við flóð, sjúkdóma og krókódíla.

Bók Weitemeyers kom fyrst út á ensku 1892 undir heitinu Missing friend . Ragnar Böðvarssonar frá Bolholti á Rangárvöllum náði að ljúka við þýðinguna í ársbyrjun 2014 en veiktist meðan sú vinna stóð yfir og lést í maímánuði 2014.