Tochtli býr í höll. Hann er mjög hrifinn af höttum, samúræjum, fallöxum og orðabókum en það sem hann langar allra mest í er nýtt gæludýr fyrir einkadýragarðinn sinn, dvergflóðhest frá Líberíu.

Faðir Tochtli er valdamikill eiturlyfjabarón og Tochtli elst því upp í íburðarmiklum felustað sem hann deilir með leigumorðingjum, vændiskonum, eiturlyfjasölum, þjónustufólki og einstaka spilltum stjórnmálamanni.

Veisla í greninu er meistaralega skrifuð svört kómedía sem segir frá brjálaðri ferð sem farin er til að uppfylla óskir barns.

Veisla í greninu hefur komið út á 17 tungumálum.