Heimilisfang
Velja afhendingarmáta
Höfundur: Ólafur Jóhann Ólafsson

Smásagnasafnið Aldingarðurinn í enskri þýðingu.

Ástin og tíminn, tvö sterkustu öflin í mannlegri tilveru, eru meginstefin í þessari seiðmögnuðu bók Ólafs Jóhanns Ólafssonar sem inniheldur tólf smásögur. Hún fylgir árhringnum, hver frásögn ber nafn eins mánaðanna og fléttast þær þannig saman bæði í efni og byggingu. Þetta er bók um tryggð og svik, hamingju og sorg, lævíslegar grunsemdir og grunsamlegar ímyndanir, ástríðufulla þrá og leik að eldi …
Sjaldan hefur Ólafi Jóhanni tekist eins vel upp og í þessari bók en fyrir hana hlaut hann Íslensku bókmenntaverðlaunin 2006 í flokki fagurbókmennta.

Aldingarðurinn uppskar mikið lof í fjölmiðlum, m.a. taldi Jón Yngvi Jóhannsson í Kastljósi að um væri að ræða ,,snjallar og vandaðar smásögur“ og Óttar M. Norðfjörð sagði í DV: ,,Maður getur ekki hætt að lesa þegar maður er byrjaður … Sögurnar tvinna saman spennu, sorg og tilfinningalíf fólks á meistaralegan máta svo úr verður verk sem hefur alla burði til að geta höfðað til mjög ólíkra lesenda.“

2.030 kr.
Afhending