Salka Valka er ein þekktasta og vinsælasta saga Halldórs Laxness og sú sem ruddi braut hans til alþjóðlegra vinsælda.

Á Óseyri við Axlarfjörð búa ólíkar mæðgur, Salka litla er stolt og sterk, en Sigurlína móðir hennar treystir alfarið á himnaföðurinn og Hjálpræðisherinn. Örlög fólksins á Óseyri eru að mestu á valdi kaupmannsins Jóhanns Bogesen, en átakatímar fara í hönd og nýir vindar blása um þjóðfélagið.

Áhrifavaldar í lífi mæðgnanna eru einkum hinn ungi og mælski Arnaldur og svo Steinþór, sem sem er alger andstæða hans; frummaðurinn holdi klæddur.

Salka Valka er í senn þorpssaga og saga svipmikilla einstaklinga sem glíma daglega við tilveru þar sem ástin og dauðinn leika undir.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 18 klukkustundir og 14 mínútur að lengd. Þórdís Björk Þorfinnsdóttir les.