Í þessari einstöku bók eru smæstu einingar málsins í brennidepli: íslensku málhljóðin. Sérhvert þeirra er kynnt með táknrænni hreyfingu, stuttri sögu, skemmtilegri vísu og glæsilegum myndum sem bæði skýra og skemmta.

Bókin um Lubba er hugsuð til málörvunar og hljóðanáms fyrir börn á aldrinum tveggja til sjö ára. Höfundar hennar, Þóra Másdóttir og Eyrún Ísfold Gísladóttir, eru talmeinafræðingar og hafa áralanga reynslu af talþjálfun barna. Í bókinni nýtist sérfræðiþekking þeirra bæði börnum sem glíma við erfiðleika í máltöku og hinum sem læra málhljóðin án vandkvæða, enda sýna rannsóknir ótvírætt að hljóðanám leggur góðan grunn að lestrarnámi. Efnið stuðlar einnig að auðugri orðaforða og ýtir undir skýrari framburð.

Hljóðbók þar sem börn úr Skólakór Kársness syngja vísurnar um málhljóðin og sögurnar úr bókinni eru lesnar fæst í vefverslun.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er um klukkustund að lengd. Elín Gunnarsdóttir les.

Hér má hlusta á fyrsta kafla streymishljóðbókarinnar: