Stúlkan Billie verður skyndilega miðdepill á hernumdu svæði og hversdagsleg kyrrstaða umturnast á augabragði í válegri veröld. Fólkið á ekki annarra kosta völ en skapa sér sinn eigin litla heim inni í stóra heiminum þar sem stríðsherrarnir ráða. Enginn veit hvenær stóri heimurinn molar hina brothættu skurn sem umlykur litla heiminn og þá tekur blóðið aftur að renna.

Kristín Ómarsdóttir hefur skrifað magnaða skáldsögu þar sem óviðjafnanlega ljóðrænn og leikandi texti kemur sífellt á óvart og undirstrikar fáránleikann sem einkennir mannleg samskipti í stríðshrjáðri veröld.