Hressandi fantasíusaga fyrir börn og unglinga og sú fyrsta í þriggja bóka seríu. Bókin er full af fjöri, húmor og tilfinningum.

Kate, Mikael og Emma reyna að bjarga fjölskyldu sinni en enda á því að þurfa að bjarga heiminum. Systkinin fara í hættulegt ferðalag um ókunnugar, hættulegar slóðir og um leið kynnast þau nýjum hliðum á sjálfum sér.

Kata: Elst systkinanna og sú eina sem man eftir mömmuþeirra og pabba. Hún lofaði að vernda bróður sinn og systurþar til foreldrarnir kæmu aftur.

Mikael: Horaður bókaormur sem er lagður í einelti á hverju munaðarleysingjaheimilinu á fætur öðru (gleraugun hans enda alltaf í klósettinu). Les helst bækur um töfra, sérstaklega ef dvergar koma við sögu.

Emma: Smávaxinn slagsmálahundur. Elskar systkin sín en finnst Mikael stórfurðulegur. Slæst samt við alla sem halda því fram. Hefur laumast til að kasta gleraugunum hans í klósettið – tvisvar.

Saman komast þau að því að:

1. Töfrar eru til í raun og veru.

2. Emma kann að biðja kurteislega.

3. Þau ein geta bjargað heiminum.

Númer 2 kemur mest á óvart.

Guðni Kolbeinsson þýddi.

***½
„Fín ævintýrabók og ég bíð spenntur eftir framhaldinu.“
Árni Matthíasson / Morgunblaðið

„Spennandi og grípandi saga.“
New York Times Book Review

„Krafturinn og húmorinn létta tóninn þótt vandamálin sem söguhetjurnar glíma við séu aldrei gerð léttvæg. Endirinn plægir akur fyrir næstu bók í þessum grípandi bókaflokki.“
The Washington Post