„Ég heiti Benny og ég er alkóhólisti“
„Halló Benni,“ sögðu þrjátíu raddir í kór.
„Í gærkvöldið drakk ég heila flösku af Jack Daniels og barði konuna mína. Í morgun fleygði hún mér út. Ég er búin að vera edrú í einn dag. Ég er hér komin af því að ég get ekki stjórnað drykkjunni. Ég er hér vegna þess að ég vil fá konuna mína og börnin og lífið mitt aftur.“

Þetta reynist ekki auðvelt fyrir rannsóknarlögreglumanninn Benny Griessel í Höfðaborg í Suður-Afríku, þar sem glæpatíðnin er geigvænleg. Morðingi gengur laus; einhver hefur lýst yfir einkastríði á hendur barnaníðingum. Fjölmiðlar fara mikinn, stjórnmálamenn fara á taugum, lögregluyfirvöld sæta harðri gagnrýni og óreyndir aðstoðarmenn Bennys hafa vart undan að telja líkin. Benny grípur því til örþrifaráðs; að leiða hinn kaldrifjaða morðingja í gildru með aðstoð vændiskonunnar Christine.