„Hafið ykkur út strákar, eins og skot, reynið að komast út í gegnum litlustofu, forðist skálann eins og heitan eldinn,“ sagði Kormákur bryti þegar eldur fór að loga um hús á Flugumýri í október 1253.

Hér er fjallað um stórtíðindi á Sturlungaöld. Hvers vegna var saklaust fólk brennt inni og drepið? Jafnvel við brúðkaup? Svarið kemur í ljós í bókinni Brennan á Flugumýri.

Brennan á Flugumýri er önnur bók Önnu Dóru Antonsdóttur um atburði Sturlungaaldar, eins og þeir horfðu við börnum þess tíma, en fjölmennustu orrustu Íslandssögunnar eru gerð skil í bók hennar Bardaginn á Örlygsstöðum.