Sögurnar sem sagðar eru hér af fyrirgefningunni eru hetjusögur venjulegs fólks, ekki fræðilegar skýringar á fyrirgefningunni.

Þær sýna ótrúlegan þroska og hugrekki. Og trú. Fólks sem orðið hefur fyrir skelfilegu óréttlæti og verið beitt ofbeldi. Það fyrirgefur.

Lesandi spyr sjálfan sig iðulega: Gæti ég gert þetta? Svarið er oft varla en þó. Jú. Tæpast. Eða þvert nei.