Þar sem vegurinn endar kom fyrst út árið 2007 og rataði í hjartastað ófárra lesenda.

Hér segir Hrafn sögur frá dvöl sinni í Árneshreppi á Ströndum, en þangað fór hann fyrst átta ára gamall og hefur alltaf síðan verið tengdur sveitinni við ysta haf sterkum böndum. Auk bernskuminninga hefur Hrafn dregið hér saman ýmsan fróðleik um mannlíf og sögu Árneshrepps frá fyrstu tíð, og sett í einstakt samhengi við sitt eigið líf, tilfinningar og umbrot í sálinni.

Þessi bók er í senn minningar, ævisaga, þjóðlegur fróðleikur og þættir af einkennilegum mönnum en umfram allt hugleiðingar um lífið og dýpstu rök tilverunnar. Þar sem vegurinn endar er bókmenntaviðburður, einstæð frásögn sem er í senn leiftrandi skemmtileg og þrungin tilfinningu.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 5 klukkustundir að lengd. Höfundur les.