Malcolm Polstead býr með foreldrum sínum í gamalli krá nálægt Oxford ásamt fylgjunni sinni, henni Ástu. Saman skemmta þau sér á bátnum sínum, Villimeynni fögru, og sinna stundum erindum fyrir nunnurnar í klaustrinu á hinum bakkanum. Dag einn kemst Malcolm að því að nunnurnar hafa fengið dvalargest, litla stúlku sem heitir Lýra. Þegar skelfilegt flóð skellur yfir bjargar hann lífi hennar og leggur af stað með hana á Villimeynni fögru í háskalegt ferðalag undan flóði og myrkum öflum.

Aðadáendur margverðlaunaðs þríleiks Philips Pullman um stúlkuna Lýru, vini hennar og andstæðinga og töfraheiminn sem þau byggja fögnuðu gífurlega þegar fréttirst að von væri á nýjum þríleik sem hlotið hefur nafnið Bækur Duftsins. Og þeir hafa sannarlega ekki orðið fyrir vonbrigðum; Villimærin fagra hefur hlotið afar góðar viðtökur víða um heim.

Philip Pullman er einn virtasti rithöfundur samtímans og þekktastur fyrir bækurnar Gyllti áttavitinn, Lúmski hnífurinn og Skuggasjónaukinn sem hafa verði hlaðnar lofi og viðurkenningum.

Guðni Kolbeinsson þýddi.