Kæri lesandi

hér er komin önnur bók um mig, Stellu (manstu, þessi sem átti klikkuðu mömmuna).

Sagan gerist á jólunum – sem ég ELSKA – en nú stefnir allt í vitleysu. Á ísskápnum hangir langur listi yfir allt sem þarf að gera og verkstjórinn er enginn annar en PABBI PRÓFESSOR. Það er ekki séns að þetta náist!

Svo er hitt. ALLIR eru allt í einu orðnir skotnir í einhverjum … nema ég. Hver vill líka … Æ, þú veist. Það er samt einn strákur … Þú verður bara að lesa bókina ef þú vilt vita meira.

Kveðja, Stella

Gunnar Helgason hefur fyrir löngu skipað sér í hóp vinsælustu barnabókahöfunda landsins. Pabbi prófessor er framhald verðlaunabókar hans Mamma klikk! sem sló rækilega í gegn hjá lesendum á öllum aldri og hlaut meðal annars Íslensku bókmenntaverðlaunin í flokki barnabóka.